Pas 150 vitesh, trafiku zhvendoset në qiell

Në garazhe do të kemi makina që fluturojnë, me të cilat do t’i ikim rrëmujës së qyteteve të mëdha, për të pushuar në parqet me lule sintetike.

Kompjuterat gjithnjë e më inteligjentë do të bëhen pjesë e trupit të njeriut, i cili do të përshtatet për misione gjithnjë e më të gjata në hapësirë, për të projektuar arratisjen nga planeti i kërcënuar nga luftërat bërthamore dhe ngrohja globale.

Kjo mund të jetë e ardhjma që na pret në 150 vitet e ardhshme, sipas ekspertëve të fushave të ndryshme, të cilët kanë bërë një pasqyrë të evoluimit të njerëzimit për  shekullin në vijim. Shkrimi është pasqyruar në të përmuajshmen “Scientific American”.