Fjale paraprake * Teza provimesh/permbledhje gjeni te fotokopja perballe fakultetit. * Librat i gjeni te Beqo. * Keni dhe opsionin e fotokopjeve (fotokopja perballe Mon Cheri-se), gati 4 here me lire se librat, por e drejta e autorit... *E keni zakon nga arsimi para-universitar, por mos harroni: jeni mbi 18 vjec. Jeni te rritur. Filloni ta shihni dhe ta trajtoni veten si te rritur, qe edhe pedagoget e stafi i fakultetit (*khe-khe*, sekretaret) t’ju trajtojne si te rritur. Ndryshe, ju shtypin me kembe. Pjesa e pergjithshme 1) Ndonese cdo pedagog thote qe leksioni eshte fakultativ, mos u genjeni. Ka pedagoge qe i qendrojne besnike fjales. Ka pedagoge qe marrin emrat prezente per te ngritur studente. Ka pedagoge qe marrin mungesa per te ulur studente. 2) Mos akumulo faqe. Bej si te besh, lexoji ato 50 faqe qe merr ne dite, po ate dite. Puno dhe tezat ne ato pyetje qe di pasi mbaron leximin. Kursen kohen dhe ne fund, gjate sezonit. 3) Kushtetuten gjynah te mos e keni. Eshte Bibla juaj, eshte e bukur, e vockel dhe kushton vetem 200 leke. 4) Kodet i keni online dhe mund t’i shkarkoni ne celular, per te kursyer para, pasi jane 1000 leke/copa. Rrine-rrine, u behen edhe ndryshime. 5) Kur pedagoget ju thone qe libri lejohet ne provim, mos e hani tekun komplet. Beni nje parapergatitje per cdo rast, se pastaj vjen pedagogu ne klase dhe thote “S’kam thene gje une”. Zakonisht librat i shkruajne vete pedagoget. Bejini vete llogarite. 6) Ne cdo provim, per cdo rast, edhe kur pedagogu nuk ju thote gje, ejani me librin/kodin perkates me vete (nese i keni blere, kuptohet). Mund te behet ndonje bamiresi e minutave te fundit dhe t’ju thone qe mund t’i mbani librat/kodet/shenimet hapur. 7) Shume studente bien dakord qe sic mesohet per te drejten romake ne vit te pare, nuk mesohet per provimet e tjera gjate eksperiences ne juridik. Kjo sepse eshte provimi i pare ne universitet dhe nuk dine c’te presin. 8) Quhen kolokiume, jo kolegiume. 9) Do vuani pakez kur te dalin notat - nuk do shpetoni dot nga rrasjet-plasjet pas deres, edhe nese pedagogu e ka ndare dhenien e notave me grupe dhe orar. 10) Mund ta anashkaloni pjesen e rrasjes-plasjes dhe te prisni sa te hidhet nota ne sistem, por mund t’ju dalin thinjat deri atehere. Plus, mund te humbisni mundesine per pike/note ekstra. 11) Nese i futeni juridikut per magjistrature dhe ndryshoni mendje rruges, mos u shqetesoni; nuk jeni as te paret e as te fundit. 12) Do kalitni nervat me sekretaret dhe kedo qe supozohet te jape informacion ne juridik. Durimi eshte virtyt. 13) S’do vuani per party dhe ekskursione - mendon Keshilli Studentor per keto, por vetem per keto. 14) Mos rrini te ngrefosur dhe puplosur ne juridik. Mos perdorni terma te medha e latinisht hokus-pokus per t’i rene ne sy pedagogeve. Kuptohet menjehere nese jeni kodoshe. 15) Pyesni vitet me te larta. Ju merrni informacion, ata marrin kenaqesine e ndarjes se eksperiences. 16) Ndonjehere do te degjoni keshilla te cuditshme. Nese ju thone t’i beni komplimente pedagoges, bejini komplimente pedagoges. 17) Aktivizohuni ne seminar. Pedagoget, ne fund te fundit, nuk jane gogola. Ata qe pergjigjen, i mbajne mend dhe mund te kene ndihme ekstra ne fund. Madje, eshte me mire te te mbajne mend edhe kur pergjigjesh gabim, se sa te pergjigjesh mire dhe te jesh thjesht fytyra e radhes. 18) Mos e vrit shume mendjen c’ka marre tjetri, edhe nese e ka marre me mik, sepse miku luhet fuqishem ne ca raste. S’ke c’i ben, ndaj futi nje mendje te lehte. Ti vazhdo punen tende. 19) Nuk nderrohet grupi pa mik. Me vjen keq. 20) Beni plane kursimi se ndryshe ikin leket kafeneve dhe s’e merrni vesh. Mon Cheri dhe Inside preferohen shume. 21) Dikush t’i lajmeroje vitparistet qe mesimi ne universitet s’behet si mesimi ne gjimnaz. Po s’erdhi pedagogu, ikni. Mos prisni dy ore, sic na lane njehere neve ne fillim te vitit te pare. 22) Ka pedagoge prototipa qe ngrejne ende me regjister. 23) Ka pedagoge qe thone “He, pergjigjuni, edhe sikur te jeni gabim”, e ne fund te shohin si te jesh budalla kur pergjigjesh gabim. 24) Beni follow Zyra E Informacionit FD ne Facebook - ndonese lajmi me pare kalon nga studentet se nga faqja. 25) Mos i diskutoni me te tjeret pergjigjjet e provimit pasi ta mbaroni. Thjesht MOS. Kot sa te torturoni veten, se pergjigjjet nuk i ndryshoni dot me. 26) Pergatituni per shume urrejtje nga dege te tjera me emra si “inxhinieri pularie”, qe kujtojne se ne vizatojme e recitojme vjersha tere diten. Merren me ne dhe pastaj habiten pse u zgjat shkolla 10 vjet. 27) Mire nese fusni mik para provimit, por mos u tregoni aq te trashe sa te pyesni per emrin e pedagogut publikisht ne grupin e juridiksave. Le qe, c’dem do ju vije. E keqja me e madhe: s’do merrni pergjigjje. 28) Bini dakord qe orarin ta marre nje person per cdo grup. Noten e marrim qe e marrim ngjeshur sepse eshte personale, por te pakten per orarin te kursejme sardelosjen. 29) Per vitin e pare qe nuk e di si funksionon orari: Thjesht ndiqni vizat e grupit tuaj. Akronimet jane lende te caktuara (p.sh. DR - E drejte romake). Shkronja “L” do te thote “Leksion”. Cfare nuk ka shkronjen “L” eshte seminar. Numrat poshte kutizave jane sallat ku zhvillohet leksioni/seminari. 30) Do te lexoni terma te cuditshem si “ndjekje bletesh” dhe do te degjoni norma me logjike jologjike. 31) Sigurohuni qe te zini nje mik aq te mire sa t’ju shenoje emrin ne flete kur mungoni ne leksion.
0 comments:
Post a Comment